長隆廣州...攞命駁....兩天遊

2008-08-30
早上8點半: 到達羅湖口岸。等齊人，上車走人，直去番禺。雖然很累，但都唔係訓得好好。
早上11點半左右: 到達番禺的一個鄉村中的飯店，先用午餐。雖在鄉村中，店卻很大，食物也很美味。為了省時，我們更在飯店內先換泳衣。
下午1時: 到達長隆水上樂園。速速租locker，就急步蹼去遊樂設施，排長龍。
- 排左成個鐘，玩左個"超级大喇叭"
- 又排左幾個字，玩左"大滑板滑道".....仲玩左兩次。
- 租左個雙人水泡，玩左1轉漂流河。原來漂流河都好好玩！
下午4點半: 要去洗白白和換衫啦！
下午5點: 上車，準備去食飯。點知.....等齊人都5點半！準時的人只有8人(全車有45位團友啊！)
下午6點: 食飯啦！食飯啦！....又係農家菜，都真係唔係幾好食！
下午7點: 回歸長隆...的...大馬戲會場。等入場都要成15分鐘，因為無情情整左個安檢。

- 雖然，這是我第二次睇，但還是覺得好好睇，仲睇到好投入，絕無悶場。可能係因為今次坐正正面台，睇都特別清楚。
- 一年後，再來看馬戲，節目環節無變過，只是旁邊的細節加左些，增加氣氛。
下午9點: 完場啦！返酒店啦！


2008-08-31
早上9點: 於酒店食早餐啦！不錯，不錯！
早上10點: 出發去"正佳廣場"睇4D立體電影, 行街和食午飯！

- 嘩！套4D立體電影流到無得再流呀！唉！好彩團費包埋，同埋得個15分鐘咋！
- 跟著行左陣商場，但係無咩好行。一係真係好內地的貨，但價錢就唔係太內地啦！話晒都廣州吧！一係就係香港都搵到牌子，咁係香港買仲平啦，而家人仔咁貴。最後，去左行百佳，就搵到那個女性內衣衣架啦！正！

- 食自助餐，但.....太自助啦！也太多人啦！好似要去搶食咁！d野又唔好食！唉！咁多餐，最差係呢餐！
下午1點半: 離開廣州，去番禺的大學城內的中醫學博物館。
- 大學城真係好大，有好幾所大學。附近的環境幽美，是個不錯的求知識地方。
- 行博物館都唔悶呀！有guide去作導覧，讓我認識到我國中醫的發展歷史及其偉大。
**歡迎到我的facebook瀏覽相片集！**
下午3點半: 回程啦！在車上，調低倚背，享受著陣陣涼"氣"，做隻槽豬。
下午5點半: 回到深圳解散。我跟媽媽就去左做個body，先返香港。

****你地見啦！真係好趕，好攞命架！下次，我相約你地一齊自遊行去長隆玩水。借出我家的碧桂園又點話，最緊要唔使咁攞命，同最緊要大家一齊開心玩返餐。****