今日大0樂

真係好大杯0樂！

整天，我都為左我呢隻鑊，疲於奔命，完全冇做過其他野。

我唔知其實係咪真係咁大鑊。
當然，紙箱超重成倍，係真係幾大鑊。
但...大鑊極，咪去到美國做re-packaging啦！
美國人工費和物料費，就梗貴啦！但都好過要我地係碼頭拖返漂貨出來呀！
批貨入左柜啦！點拖都拖唔到啦！
你估真係有錢使得鬼推磨呀！

開頭，個客勁堅持要拖貨出來，話死都唔肯同佢個客講，真係想死。
真至我話真係拖唔到，佢先話咁唯有同客講。
其實佢係怕同客講，影響佢自己和佢公司姐，點會唔講得喎。
但係，我都明。我做客個陣都係咁，理得間廠點死，總之，我唔使死就得啦！

以為件事settle down啦！
點知老闆8點幾打來話一定要拖返漂貨出來，要我即係搵人做野！
嘩！佢好似冇聽過我個故事咁！但我又真係有同佢講過架喎！
order到，我可以點喎！憫，都要做！鬼叫自己做錯！
幸好，最後，check到隻船會停香港，或者可以係香港先拖返漂貨出來！
明天先查到詳情，希望真係work啦！

老闆話，客個邊條針話佢知，我地今次唔改好先走貨，就會成為佢地的bad list之人。
唉！其實，今日就算我改，我地都被迫遷左去bad list到住啦！
當然，有得努力的，我地都要盡最後的一分努力去把事做好，無愧於自己先呀！

再講，佢唔bad list我地，我都想bad list佢，係"我"，大家注意。
佢地個d單，全部都係人地起左辦，個客落單，跟著間廠話唔做，佢地咪週圍搵廠做啦！
豬頭骨嚟架喎！你估係寶咩！
而家有張單，做印花帽和印花tote bag。今日仲未firm單，仲話你知要批好辦，係一模一樣，有印花的辦，先至可以開貨喎，貨期仲要係農曆年前。
唔熟行架人，梗以為係2月6日前走貨啦！
錯！係1月25日左右要走啦！工人通常在年前兩星期就走架啦！
咪就係啦！批得嚟都12月尾！得一個月時間都唔夠，仲要做印花布，做好先可開大貨。
簡直係挑戰難度。

anyway, 佢話有錢賺，點解唔做喎！
ok啦！我冇野講！

佢仲話，有單俾佢架，就係好客！理得佢地幾難頂！仲叫我睇人唔好有bias！
咁就梗係啦！又唔使佢跟！係我跟咋ma！氣都係我受咋ma！